ސާބިތު ހެކި: އެމްޑީޕީގެ އަލްޓީރިއާ މޯޓިވްއަކީ ރިލިޖަސް ފްރީޑަމްއަށް ރާއްޖެ ހުޅުވާލުން
breakingnews, feature, maldives, news, politics 12:50
ހުޅަނގުން އިންޖިނިއާކޮށްގެން ފަށާފައިވާ "އަރަބް ސްޕްރިންގް" ގައި ބޭނުންކުރިގޮތަށް ރާއްޖޭގައި މިހާރު އޮތް ސަރުކާރާއި ދެކޮޅަށް ނިއު ވޯލްޑް އޯޑާ ޕަޕެޓް ނަޝީދަށް ތާއިދުކުރާ ބައިނަލްއަގްވާމީ ޖަމްއިއްޔާތައް އެމްޑީޕީން ބޭނުންކުރާނެކަމީ ސަރުކާރު ހިންގަންތިބި މީހުންނަށް ނޭނގި އޮންނާނެ ކަމެއްނޫނެވެ.
މީޑިއާގައި މިއަދު އެނބުރޭ އެއް ޚަބަރަކީ އައިޑީޔޫ(އިންޓަނޭޝަނަލް ޑިމޮކްރެޓް ޔޫނިއަން) އިން ރާއްޖޭގައި އަވަސް އިންތިހާބެއް ބޭއްވުމަށް ގޮވާލި ޚަބަރެވެ. މިކަމާގުޅޭ ކުޑަކުޑަ ދިރާސާއެއް ކޮށްލުމުން އެނގޭ ގޮތުގައި އެމްޑީޕީއަކީ އައިޑީޔޫގެ މެމްބަރެކެވެ.
އެމްޑީޕީއަށް އައިޑީޔޫގެ މެމްބަރުކަން ލިބެނީ އެމްޑީޕީއަކީ އޭޝިޔާ ޕެސިފިކް ޑެމޮކްރެޓް ޔޫނިއަންގެ މެމްބަރަކަށް ވާތީއެވެ. އައިޑީޔޫގެ މެމްބަރުންނަށް ބަލާއިރު ސާކްގެ ގައުމުތަކުގެ ތެރެއިން ރާއްޖޭގެ އެމްޑީޕީ، ލަންކާގެ ޔުނައިޓެޑް ނޭޝަނަލް ޕާޓީ އަދި ނޭޕާލްގެ އާރުޕީޕީ ހިމެނެއެވެ. އެމެރިކާއަށް ބަލާއިރު އެމެރިކާގެ މަޝްހޫރު އެއްވެސް ސިޔާސީ ޕާޓީއެއް އައިޑީޔޫގެ މެމްބަރުންގެ ތެރޭގައި ނުހިމެނެއެވެ.
އައިޑީޔޫއަކީ ކޮންބޭނުމަކު އުފައްދާފައިވާ ޖަމްއިއްޔާއެއްތޯ ބަލާލުމަށް ވެބްސައިޓްގެ ހިސްޓްރީ ޕޭޖަށް ކްލިކްކޮށްލުމުން އެނގޭގޮތުގައި އައިޑީޔޫއަކީ 80 އަށްވުރެ ގިނަ ކޮންޒަވޭޓިވް، ކްރިސްޓިއަން ޑިމޮކްރެޓް އަދި ލައިކްމައިންޑެޑް ސިޔާސީ ޕާޓީތަކުން ބައިވެރިވާ ޔޫނިއަނެއްކަމެވެ. އެހެންކަމުން މާ ބޮޑު މައްސަލައެއްނެތެވެ. އައިޑީޔޫގެ މެމްބަރުންނަކީ ހަމައެކަނި ކްރިސްޓިއަން ޑިމޮކްރެޓް ޕާޓީތަކެކޭ ނުބުނެއެވެ.
ނަމަވެސް އެ ޕޭޖުގައި އައިޑީޔޫގެ މިޝަންގެ ނަމްބަރު 1 ބުނާގޮތުގައި އައިޑީޔޫގެ މެމްބަރަކަށް ވެވޭނީ އައިޑީޔޫގެ ޑިކްލަރޭޝަން ޕްރިންސިޕަލްސް ގަބޫލުކުރާ އަދި އެއަށް އަމަލުކުރާ ޕާޓީތަކަށެވެ.
އައިޑީޔޫގެ ޑިކްލަރޭޝަން ޕްރިންސިޕަލްސް ގެ ދެވަނަ ޕެރެގްރާފްގައި ބުނަނީ އައިޑީޔޫގެ ހުރިހާ މެމްބަރުންވެސް ރައިޓް ޓު ރިލިޖަސް ބިލީފް ކުރިއަރުވަން ކޮމިޓްވާންޖެހޭނެ ކަމަށެވެ.
އެހެންކަމުން އެއްވެސް ޝައްކެއްނެތް ގޮތުގައި އެމްޑީޕީން ވަނީ އައިޑީޔޫގެ ޑިކްލަރޭޝަން ޕްރިންސިޕަލްސްއަށް ތަބާވެފައެވެ. މިއީ އެމްޑީޕީގެ އިސް ވެރިޔަކު އަމިއްލަ ހައިސިއްޔަތުން ނިންމާފައިވާ ނިންމުމެއްކަމެއް ނުވަތަ ޕާޓީގެ ގުނަވަަނަކުން ނިންމާފައިވާ ނިންމުމެއްކަމެއް ނޭނގެއެވެ. ކޮންމެ ބަޔަކު ނިންމިކަމުގައިވިޔަސް ދެބަސްވެވެންނެތް ހަގީގަތަކީ އެމްޑީޕީން އައިޑީޔޫގެ މެމްބަރަކަށް ވުމަކީ އެމްޑީޕީގެ އަމިއްލަ އިއުތިރާފުން ރައިޓް ޓު ރިލިޖަސް ބިލީފް ކުރިއަރުވަން މަސައްކަތްކުރާ ބައެއްކަން ހާމަކުރުމެވެ.
މިކަމާގުޅޭގޮތުން އެންމެ ބޮޑަށް ފާހަގަކޮށްލަންޖެހޭ ޕޮައިންޓަކީ އެމްޑީޕީގެ އަސާސީ ގަވާއިދުގައި އަދި މެނިފެސްޓީގައި ދިވެހިން "ގުނބޯ" ހައްދަން މާވަރަކަށް އިސްލާމްދީނުގެ ވާހަކަ ލިޔެފައިވާކަމެވެ. ބަޔަކަށް އޮޅުވާލެވޭނީވެސް މިހާވަރަށެވެ.
Posted by Dhi Truth
on 12:50.
Filed under
