މަސްޓް ރީޑް: ގޭންގްސްޓާރުންގެ ކިބައިން ދުނިޔޭގެ ރައްޔިތުން މިނިވަންކޮށްދޭނެކަމަށް ބެލެވޭ ޝަރީއަތް
breakingnews, feature, politics, world 08:36
އެޑް ނޯޓް: މިއީ ހިޔާލީ ފޮލާއެއްނޫނެވެ. ނުވަތަ ފިލްމެއްގެ ސްކްރިޕްޓެއްވެސް ނޫނެވެ.
ފާއިތުވީ 300 އަހަރު ހުޅަނގުގެ ގައުމުތަކުގައި ވެރިކަން ކުރަމުންއަންނަ ސިއްރު ސަރުކާރުތަކަށް ނިމުން ގެނުވާނެކަމަށް ބެލެވޭ ނުވަތަ އެކަމުގެ ފެށުމަށްވާނެކަމަށް ބެލެވޭވަރުގެ ޝަރުއީ މައްސަލައެއް މިދިޔަ އަހަރުގެ ނޮވެމްބަރ 23 ވަނަ ދުވަހު ވަނީ ހުށަހެޅިފައެވެ. އެ މައްސަލައިގަ ދައުވާކުރާ ފަރާތުން ވަކާލާތުކުރާގޮތުގައި ބަންކީ މޫން އާއި އދ، އިޓަލީގެ ކުރީގެ ބޮޑުވަޒީރު ސިލްވިއޯ ބާލުސްކޯނީ އާއި އިޓަލީގެ ސަރުކާރު، ޖިއަންކާނޯ ބްރޫނޯ އަދި ޑާވޯސް އިކޮނޮމިކް ފޯރަމް ގުޅިގެން ޑްރެގަން ފެމިލީ (އޭޝިޔާގެ ގަދީމީ އާއިލާތަކަކަށް ނިސްބަތްވާ ގްރޫޕެއް) އަށް ނިސްބަތްވާ ގާތްގަނޑަކަށް 1 ޓްރިލިއަން ޔޫއެސް ޑޮލަރު ވަނީ ވަގަށްނަގާފައެވެ. އަދި މިވައްކަމުގައި އެމެރިކާގެ ފެޑެރަލް ރިޒާވްގެ ބޯޑްގެ ވެރިންގެ ތެރެއިން ގިނަ ބަޔަކު ބައިވެރިވެފަ ވާކަމަށްވެސް ދައުވާ ހުށަހެޅި ފަރާތުން ވަކާލާތުކުރެއެވެ.
ޑްރެގަން ފެމިލީގެ ފަރާތުން ދަޢުވާ ހުށަހަޅާފައިވަނީ އަދި ނިއުޔޯކުގައި އެމީހުން ތަމްސީލްކުރަނީ ނީލް ކީނަންއެވެ. މި މައްސަލައިގަ ދައުވާކުރެވޭވަރަށް ހެކި ހޯދިފައިވަނީ އިންޓަނޭޝަނަލް ޕޮލިސް (އިންޓަޕޯލް) އާއި ޤާނޫނު ތަންފީޒުކުރާ އެހެން އިދާރާތައް ކަމުގައިވާ ސީއައިއޭ، ޖަޕަނީސް ސެކިއުރިޓީ ސާވިސް، އީސްޓަން ޔޫރަޕިއަން ސީކްރެޓް ސާވިސް އިން އެތައް އަހަރުތަކެއް ވަންދެން ކުރި މަސައްކަތުން އަދި ހެދި ރިސާޗްތަކުގެ އެހީގައެވެ. ހަމައެހެން މި މައްސަލަ ހުށަހެޅި ފަރާތަށް ޕެންޓަގަން، ރަޝިޔާ އަދި ޗައިނާގެ ހަތިޔާރުއެޅި ފައުޖުތަކުގެ ބެކިން ލިބިފައިވެއެވެ.
މައްސަލަ ރައްދުވާ ހަގީގީ ފަރާތަކީ އެމެރިކާގެ ކުރީގެ ރައީސް ޖޯން އެފް ކެނެޑީ މަރާލުމުގައި ބައިވެރިވެފައިވާކަމަށް ބެލެވޭ އަދި ބައިނަލްއަޤްވާމީ ބޮޑެތި ޖަރީމާތައް ހިންގާފައިވާ ސިއްރު ޖަމާއަތެކެވެ.
މައްސަލައިގެ ފެށުމަކީ ޤާނޫނާއި ހިލާފަށް ޖަޕާންގެ 2 ރައްޔިތުންކަމުގައިވާ އަކިހީޓޯ ޔަގަމޫޗީ އާއި މިޓްސުޔޮޝީ ވަތަނަބޭ ހައްޔަރުކުރުމެވެ. އަދި އެދެމީހުންގެ ނަމުގައި އިޓަލީގައި ހުރި 134.5 ބިލިއަން ޑޮލަރުގެ ބޮންޑް ހިފެހެއްޓުމެވެ. ބޮންޑްސް ހިފެހެއްޓުނުފަހުން ނުވަތަ ބޮންޑްސް ވަގަށް ނެގުނުފަހުން ލިއޯ ޒަގާމީ ކިޔާމީހަކު ނީލް ކީނަންއާއި ކޮންޓެކްޓް ކުރުމަށްފަހު ވެޓިކަން ބޭންކަރެއްކަމުގައިވާ ޑެނިއަލް ޑެލް ބޮސްކޯގެ އެހީގައި ބޮންޑްތައް ފައިސާއަށް ބަދަލުކުރެވިދާނެކަމަށް ބުންޏެވެ. އަދި ނީލް ކީނަން މި މައުލޫމާތު އިނގިރޭސި ޝާހީ އާއިލާގެ މެމްބަރެއް މެދުވެރިކޮށް ޑްރެގަން ފެމިލީއަށް ފޯރުކޮށްދިނެވެ. ޑެލް ބަސްކޯއަށް އިތުބާރުކުރުމަށްފަހު، އިޓަލީގައި ހުއްޓާ ސީޒްކުރި ޑްރެގަން ފެމިލީގެ 134.5 ބިލިއަން ޑޮލަރުގެ އިތުރުން އިތުރު 1 ޓެރިލިއަން ޑޮލަރުގެ ބޮންޑް ކޭޝްކުރުމަށް މައްސަލަ ހުށަހެޅި ނީކް ކީނަންއާއި ހަވާލުކުރިއެވެ. އަދި ވަރަށް ގިނަ ވާހަކަދެއްކުންތަކަކަށްފަހު ކީނަން އެ ބޮންޑްތައް ކޭޝްކުރުމަށް ވެޓިކަން ބޭންކަރ ޑެލް ބޮސްކޯއާއި ހަވާލުކުރެއެވެ.
ބޮންޑްސްތައް ލިބުމާއެކު ޑެލް ބޯސްކޯ އެ ބޮންޑްތައް ހިފައިގެން ފިލައެވެ. ޑެލް ބޯސްކޯ ފިލުމުން އޭނަގެ ބޯކޮޅު ބެލުމަށް އަދި އޭނަ އެ ބޮންޑްސްތަކަށް ހަދަނީ ކިހިނެތްތޯ ނުވަތަ ކޭޝްކުރަނީ ކިހިނެތްތޯ ބެލުމަށް ޖާސޫސީ އޭޖެންޓުން 24 ގަޑިއިރު އޭނައަށް ފާރަލަމުންގެންދިޔައެވެ. ޑެލް ބޯސްކޯގެ ބޯކޮޅު ބަލައިގެން ކުރި މަސައްކަތުން ޑާވިސް ވޯލްޑް ފޯރަމް، އދ، އިޓަލީގެ ސަރުކާރު އަދި ވެޓިކަންއާއި މިކަމާ ގުޅުމެއްވާކަން އެނގުނެވެ. ޑެލް ބޯސްކޯ ބޮންޑްސްތައް ހިފައިގެން ފިލިފަހުން އާދަޔާއި ޚިލާފަށް ބާރުގަދަ ފަރާތްތަކުގެ ތެރޭގައި ހިމެނޭ ވެޓިކަންގެ އޮފިޝަލުން، ވޯލް ސްޓްރީޓް ބޭންކަރުން، ޔޫރަޕްގެ ޝާހީމީހުން އަދި އެމެރިކާގެ ކުރީގެ ރައީސުން ނީލް ކީނަންއަށް ބޮޑެތި އަދަދުތަކުން ރިޝްވަތު ހުށަހެޅިއެވެ. އެއީ ބޮންޑްތަކާއިގެން އިތުރަށް ނޫޅުމަށް ޝަރުތުކޮށްފައެވެ. އަދި މީގެއިތުރުން ނީލްއަށް ޒަހަރު ކާންދިނެވެ. އޭގެ ސަބަބުން ކީނަން މަރުނުވެ ސަލާމަތްވީ ހަމަ ކިރިޔަކިރިޔާއެވެ.
ކީނަން ބުނާގޮތުން "މިމައްސައިގެ އަސްލު ގޮސް ގުޅެނީ 1927 އަދި 1938ގައި ޗައިނާގެ ފިނޭންސް މިނިސްޓަރ ޓީވީ ސޫންގ އަދި އެމެރިކާގެ ސެކްރެޓަރީ އޮފް ޓްރެޝަރީ ހެންރީ މޯގަތިއު އާއި ދެމެދު ވެވޭ އެއްބަސްވުމެއްގެ ދަށުން އެމެރިކާ ސަރުކާރުން ޗައިނާ ސަރުކާރުގެ(ކުއޯމިންޓަންގ) 50 މިލިއަން އައުންސްގެ ރިހި ގަނެ، އަދި ގިނަ އަދަދެއްގެ ރަން ކުއްޔައްހިފުމާއެވެ. ޗައިނާ ރައްޔިތުންގެ ތެރެއިން އެބައެއްގެ ގަހަނާ ނުވަތަ ހަޒާނާ ހަވާލުކުރި ފަރާތްތަކަށް އެމީހުންގެ އަގުހުރި މައުދަންތަކުގެ ބަދަލުގައި ސެޓްފިކެޓްތަކެއް ދެވުނެވެ".
ޑެލް ބޯސްކޯ ހިފައިގެން ފިލި ގިނަ ބޮންޑްތަކަކީ އެދުވަސްވަރު އެމެރިކާގެ ފެޑެރަލް ރިޒާވް ބޯޑްއިން ގަނެ އަދި ކުއްޔަށްހިފި މައުދަންތަކުގެ ބަދަލުގައި ދިން ބޮންޑްތަކެވެ. އެހެންގޮތަކަށް ބުނާނަމަ ގިނަ ބޮންޑްތަކަކީ ޗައިނާގެ ރަނުން ބެކްކޮށްފައިވާ ބޮންޑްތަކެކެވެ. އަދި އެބޮންޑްތަކަކީ އޭގެ ޤާނޫނީ ހައްގުވެރިންނަށް އަދާއިހަމައަށްވެސް ރައްދުކޮށްނުދީވާ ބޮންޑްސްތަކެކެވެ.
ޑެލް ބޯސްކޯ ހިފައިގެން ފިލި ބޮންޑްތަކުގައި ދެން ހިމެނެނީ ކެނެޑީ ބޮންޑްސްއެވެ. އެ ބޮންޑްސްތައް ބެކްކޮށްދެނީ ދުނިޔޭގެ އިޤްތިސޯދީ ތަރައްގީއަށް ބޭނުންކުރުމުގެ ނަމުގައި، ދުނިޔޭގެ ރައްޔިތުންގެ ނަމުގައި ޓްރަސްޓްގައި ރައްކާކުރެވިފައިވާ ރަނެވެ. ނަމަވެސް އޭގެތެރެއިން ގިނަ އަދަދެއްގެ ރަންތައް ހުޅަނގުގެ ސިއްރު ޖަމާއަތްތަކުން އެމީޙުންގެ ފަރުދީ އެދުންތައް ކުރިއަރުވައި ދުނިޔޭގެ މާލީ ނިޒާމު ކޮންޓްރޯލްކުރުމަށް ވަނީ ވަގަށް ނަގައި ނަހަމަގޮތުގައި ބޭނުންކޮށްފައެވެ.
ކެނެޑީ ބޮންޑްސްގެ އަސްލު ސިގްނޭޓަރީއަކީ އިންޑޮނޭޝިޔާގެ ކުރީގެ ރައީސް ސުކާނޯއެވެ. ސުކާނޯގެ ވާރިސް، ޑރ. ސެނޯ އެޑީ ސުކާނޯވަނީ ގްލޯބަލް ކޮލޭޓަރަލް އެކައުންޓްސް މެދުވެރިކޮށް ކެނެޑީ ބޮންޑްސް އަދި ގުޅުންހުރި ޕްރޮޕަޓީތައް އޭގެ ޤާނޫނީ ވެރިން ކަމުގައިވާ ދުނިޔޭގެ ރައްޔިތުންނަށް އަނބުރާ ރައްދުކޮށްދިނުމަށް ކީނަންއާއި ޕަވާ އޮފް އެޓާނީ ހަވާލުކޮށްފައެވެ.
މި މައްސަލައަކީ ބޭންކިން ކާޓެލްއިން ހިސޯރުކޮށްފައިވާ ދުނިޔޭގެ މާލީ ނިޒާމު އަދި ގަދީމީ މުދާތައް އޭގެ ހަގީގީ ވެރިންކަމުގައިވާ ދުނިޔޭގެ ރައްޔިތުންނާއި ސަރުކާރުތަކަށް އަނބުރާ ހޯދައިދިނުމަށް ކުރެވޭ ހަނގުރާމައިގެ ފުރަތަމަ ޤާނޫނީ ހަމަލާ ކަމުގައި ބުނެވެއެވެ.
މި މައްސަލަ ހުށަހެޅިފައިވަނީ ސިވިލް އެކްޝަން 8500 # ގެ ގޮތުގައި ސަދަން ޑިސްޓްރިކްޓް އޮފް ނިއުޔޯކްގައި ހުންނަ ޔުނައިޓެޑް ސްޓޭޓްސް ޑިސްޓްރިކްޓް ކޯޓަށެވެ. ހުށަހެޅުނީ 23 ނޮވެމްބަރ 2011ގައެވެ.
Posted by Dhi Truth
on 08:36.
Filed under
breakingnews,
feature,
politics,
world
.
You can follow any responses to this entry through the RSS 2.0
