ރައްޔިތުން މަގުމައްޗަށް ނެރެފަ އިސްލީޑަރު އޮތީ ޒަކީގެ މިނީބާތެރޭ ފިލާ، މިހާރު އުޅެނީ ބޭރަށް ނުފުރިގެން
breakingnews, didyouknow, maldives, news, politics 15:14
އެމްޑީޕީގެ އިސްލީޑަރުގެ ވަރަށް އަރިސްމީހަކު މައުލޫމާތު ދީފައިވާގޮތުގައި ރައީސުލްޖުމްހޫރިއްޔާ ޑރ. ވަހީދު ރިޔާސީ ބަޔާން އިއްވަން މަސައްކަތްކުރާ ވަގުތު ސަލާމަތީ ބާރުތަކާއި ކުރިމަތިލައި ޓެރަރިޒަމް ހިންގުމަށް އަތޮޅުތެރެއިން މީހުން މާލެގެނެސް، މާލޭގެ އެމްޑީޕީ މެމްބަރުންވެސް ނެރުމަށްފަހު ނަޝީދު އިއްޔެ ގިނަވަގުތު އޮތީ އިބްރާހިމް ހުސައިން ޒަކީގެ ހުޅުގަލީގައި ހުންނަ ޒަކީގެ ޕްރައިވެޓް މިނީބާގެ އެތެރޭގައެވެ. ނަމަވެސް އެއީ އެއްގޮތަކަށްވެސް ރާފޮދެއް ހިއްފަވަން މިނީބާތެރެއަށް ވައިން ވަނުމެއްނޫނެވެ.
އެނގިވަޑައިގަންނަވާނެ ފަދައިން ހިނދުކޮޅުގައި ހުންނަވައި ނަޝީދު އިސްތިއުފާދެއްވި ދުވަހު ރާއްޖޭގެ ރިޔާސީ ގަނޑުވަރު މުލީއާގެއިން ގިނައަދަދެއްގެ ރާފުޅިތަކެއް ފެނުމުން އެކަމަށް ރައްދުދިނުމުގެ ގޮތުން ނަޝީދު ބުނީ ތިމަންނާއަކީ ރާބޯމީހެއް ނޫންކަމަށެވެ.
އެހެންކަމުން އަޅުގަނޑުމެން މި ލަފާކުރަނީ ޒަކީގެ މިނީބާ ތެރެއަށް އެރި އިއްޔެ ނަޝީދު އޮންނާނެ ހަމައެކަނި ބޭނުމަކީ ފުލުހުންނަށާއި ސިފައިންނަށް ފިލުމެވެ.
އުފާފާޅުކުރަން ތައްޔާރުވާށެވެ. ނަޝީދުގެ ކިބައިން އެމްޑީޕީ ސަލާމަތްވާކަށް އިންޝާﷲ މާގިނަދުވަހެއް ދެން ނުނަގާނެއެވެ. ނަޝީދު މުޅިން ބަލިވެއްޖެއެވެ. ފިނޑިވެއްޖެއެވެ. ބުއްދިގޯސްވެއްޖެއެވެ. ތިމަންނާ އެންމެ ކުރީ ސަފުގައި ހުންނާނެކަމުގެ ޔަގީންކަން ގާތްކުދިންނަށް ދިނުމަށްފަހު، އެވާހަކަ މުޅި ގައުމަށް އިއުލާނުކޮށްފަ އިއްޔެ އޮތީ ހިނދުކޮޅުގައެވެ.
ހަމަހޭވެރިކަން ވީއިރު ރައީސުލްޖުމްހޫރިއްޔާ ޑރ. ވަހީދު ވަނީ ރިޔާސީ ބަޔާން އިއްވުމަށްފަހު ގެއަށް ވަޑައިގެންފައެވެ. ހަމަހޭވެރިކަންވީއިރު އެމްޑީޕީގެ ޕާލިމެންޓް މެމްބަރުންގެ ތެރެއިން އަލްހާން ފަހުމީ ފާޅުގައި ނަޝީދު ދޫކޮށްލައިފިކަން އެނގުނެވެ. އަދި އަލްހާނާއި އެކު ބައެއް އެހެން މެމްބަރުންވެސް ނަޝީދާއި ދެކޮޅަށް ތެދުވަން ތައްޔާރުވާކަން އެނގުނީވެސް ވަގުތުފާއިތުވީ ފަހުންނެވެ.
ނަޝީދު ދެން މަސައްކަތްކުރީ އެމްޑީޕީގެ ޓެރަރިސްޓް ހަރަކާތްތައް ހިންގުމަށް ޒަޔަނިސްޓުން އަތުން މާލީ އަދި އެހެނިގެން އެހީ ހޯދުމަށް ރޭގެ ޔޫއެލް ފްލައިޓުން ރާއްޖެއިން ބޭރަށް ފުރުމަށެވެ. ނަމަވެސް ހަމަ ފުރުމާއެކު އެމްޑީޕީގެ ގައުމީ މަޖިލީހުގެ ޖަލްސާއެއް ބޭއްވުމަށްފަހު "އިސް ލީޑަރު" ކަމުން ތިމަންނާ ވަކިކުރާނެކަން އެނގިގެން ފުރާކަށްވެސް ނުކެރުނެވެ. އަނެއްކޮޅުން ނުފުރާ ހުރިއްޔާ ހައްޔަރުކޮށްފާނެތީ މިހާރު ހުރީ ހެސްކިޔާފަ ބިރުގަނެފައެވެ. އެމްޑީޕީގެ ގިނަ ޕާލިމެންޓް މެމްބަރުންވެސް ބޭނުންވަނީ ނަޝީދު ހައްޔަރު ކުރުވުމަށެވެ. އަދި ގިނަދުވަހަށް ޖަލަށް ކޮށްފާލުމަށެވެ. ސީދާ ޕާސަލަނީ ސަރުކާރުގެ އިސްވެރިންނަށް ގުޅައި އެމްޑީޕީގެ ބައެއް ޕާލިމެންޓް މެމްބަރުން ދަނީ ނަޝީދު ހައްޔަރުކުރުމަށް ހިތްވަރުދެމުންނެވެ.
ނިކަން ވިސްނާ ފިކުރުކޮށްލަބަލާށެވެ. މިއީ މީގެ ދުވަސްކޮޅެއްކުރިން ތިމަންނާއަކީ މާތްﷲ އަށްވުރެވެސް ބާރުގަދަ މީހެއްކަމަށް ހެދިގެން އުޅުނު މީހާއެވެ. މިއަދު އެހެރީ ނިކަމެތިވެފައެވެ. މިއީ ދިވެހިންގެތެރެއިން ކީރިތި ރަސޫލާގެ ސުންނަތައް އުޅޭ މުސްލިމުންނަށް ހަޖޫޖަހައި އެއީ ޓެރަރިސްޓުންކަމަށް ދުނިޔެއަށް ހާމަކުރި މީހާއެވެ. މިއީ އިސްލާމްދީނަށާއި ކީރިތި ރަސޫލާއަށް ފުރައްސާރަކުރި މީހާއެވެ. މިއީ ކީރިތި ގުރުއާން ފަދަ ފޮތެއް އިންސާނަކަށް އުފެއްދިދާނެކަމަށް ބުނި މީހާއެވެ. މިއީ ތިމަންނާގެ ޕާޓީ ނޫން ޕާޓީއެއްގެ މީހަކު ކަމަކު އެދިގެން އައިސްފިއްޔާ ނުލަފާކަން ދައްކަންބުނި މީހާއެވެ.
ﷲ އަކްބަރު، ﷲއަކްބަރު، ﷲއަކްބަރު.
Posted by Dhi Truth
on 15:14.
Filed under
breakingnews,
didyouknow,
maldives,
news,
politics
.
You can follow any responses to this entry through the RSS 2.0
