އީޔޫއިން ރާއްޖެއާއި ބެހޭގޮތުން އެންމެ ފަހުން ނެރުނު ބަޔާނުގެ ހަގީގަތް

މިއަހަރަށް ރައްޔިތުންގެ މަޖިލިސް ހުޅުވުމުގެ ގޮތުން ރައީސުލްޖުމްހޫރިއްޔާ ޑރ. މުޙައްމަދު ވަހީދު ހަސަން މަނިކު ރިޔާސީ ބަޔާން އިއްވެވިދުވަހު އެމްޑީޕީގެ ގުންޑާ މެމްބަރުން މަޖިލީހުގެ ތެރޭގައި، އަދި އެމްޑީޕީގެ ޓެރަރިސްޓުން މަޖިލީހުން ބޭރުގައި ހިންގި ހަމަނުޖެހުމަށްފަހު އީޔޫއިން ރާއްޖޭގެ ހަލާތާއި މެދު ކަންބޮޑުވާ ކަމަށް ބަޔާނެއް ނެރުނެވެ. އެބަޔާނުގައި ހަމައެކަނި ގޮތްދޫނުކުރާ އެމްޑީޕީ ގުންޑާ ޕާޓީގެ ހިތްރުއްސަން އަނެއްކާވެސް ރާއްޖޭގެ ޤާނޫނު އަސާސީ އިސްލާހުކުރުމަށާއި، ޓެރަރިޒަމްއަށް ހިތްވަރުދީގެން ރާއްޖޭގައި ދާހިލީ ހަނގުރާމައެއް ފެށުމަށް މަސައްކަތްކުރާ ޒަޔަނިސްޓުންގެ ޕަޕެޓް ނަޝީދުގެ ސެކިއުރިޓީގެ ވާހަކަ ނުސީދާކޮށް ބަޔާންކޮށްފައިވެއެވެ. އީޔޫއިން އެފަދަ ބަޔާނެއް ނެރުނީ ރާއްޖޭގެ ހާލަތު އެއްވެސްވަރަކަށް އެނގިގެންކަމަށް ނުބެލެވޭތީ، އެފަދަ ގޮތަކަށް މިގައުމުގެ ދާހިލީކަންކަމުގެ ތެރެއަށް ބޭނި، ކަމުގެ ދެކޮޅު ނުބަލައި ކުއްލިކުއްލިއަށް ބަޔާންނެރޭތީ، އެކަން ހިންގަމުން އަންނަ ގޮތެއް ހޯދުމަށް އަޅުގަނޑުމެން ކުރި މަސައްކަތުން އެނގުނު މައުލޫމާތު ހިއްސާކޮށްލާނަމެވެ.

އީޔޫގެ ބަޔާން ނެރުނީ އީޔޫގެ ހައި ރެޕްރެސެންޓޭޓިވް ކެތަރިން އޭޝްޓަންއެވެ. ކެތަރިންއަކީ އިނގިރޭސި ރައްޔިތެކެވެ. އެބަޔާނަކީ ސީދާ އެމްޑީޕީގެ ޒަޔަނިސްޓް ލިންކެއް ބޭނުންކޮށްގެން ނެރުވާފައިވާ ރިޕޯޓެކެވެ. ރައީސުލްޖުމްހޫރިއްޔާ 1 މާޗްގައި ރިޔާސީ ބަޔާން އިއްވެވުމަށް މަސައްކަތްކުރެއްވި ދުވަހު އެކަމަށް ހުރަސްއަޅައި އެމްޑީޕީގެ ޕާލިމެންޓޭރިއަނުން މަޖިލީހުގައ ޖެއްސި ވައްތަރުން، އެމްޑީޕީ އާއި އިދިކޮޅަށް އިންޓަނޭޝަނަލް ކޮމިއުނިޓީގެ ބައެއް ޖަމްއިއްޔާތަކުން ބަޔާންތައް ނެރެ، އެމްޑީޕީއަށް ޕްރެޝަރު ބޮޑުވެފައިވާ ދަނޑިވަޅެއްގައި އީޔޫގެ ބަޔާނެއް ނެރުނީ އެމްޑީޕީ މެމްބަރުންނަށް ކުރިމަތިވެފައިވާ މާޔޫސްކަން ފިލުވައި، އަދިވެސް އެމްޑީޕީއަށް އިންޓަނޭޝަނަލް ކޮމިއުނިޓީގެ ތާއިދުއޮތްކަން ދިވެހިންނަށް ދެއްކުމަށެވެ.

އެމްޑީޕީއިން ބޭނުންވާގޮތަށް އީޔޫގެ ބަޔާން ނެރުމަށް އެންމެ ބޮޑުރޯލެއް ކުޅެފަވަނީ ބަޔާން ނެރުނު ކެތަރިން އޭޝްޓަންގެ ފިރިމީހާ ޕީޓާ ޖޮން ކެލްނާރ(ޔަހޫދީއެއް) އަދި ކޮންޒަވޭޓިވް ޕާޓީއަށް ނިސްބަތްވާ އޭނާގެ ގާތް ދެ އެކުވެރިންނެވެ. ކެތަރިންގެ ފިރިމީހާ އޭޝްޓަންގެ ބައްޕައަކީ ހިޓްލަރގެ ދުވަސްވަރު ޖަރުމަންގައި ރެފިއުޖީއެއްގެ ގޮތުގައި އުޅުނު ޔަހޫދީއެވެ.

ޕީޓާ ޖޮން ކެލްނާރ އަކީ އިނގިރޭސި ކޮންޒަވޭޓިވް ޕާޓީއާއި ގާތްގުޅުމެއް އޮންނަ ޖާނަލިސްޓެކެވެ. އޭނާގެ ހިއްސާއޮންނަ ޔޫގޮވް ގެ ކުރީގެ ސީއީއޯ ނާދިމް ޒަހާވީ އަކީ މިހާރު ކޮންޒަވޭޓިމް އެމްޕީއެކެވެ. މީގެ އިތުރުން ޔޫގޮވްގެ ކުރީގެ ސީއީއޯ ސްޓެފަން ޝޭކްސްޕިއާ އަކީވެސް ކޮންޒަވޭޓިން ޓިކެޓެއްގައި އެގައުމުގެ އާންމު އިންތިހާބުގައި ވާދަކޮސްފައިވާ މީހެކެވެ.

އެމްޑީޕީއިން ބޭނުންވާގޮތަށް އީޔޫގެ ބަޔާން ނެރުމަށް ކޮންޒަވޭޓިވް ޕާޓީން ބޭނުންކުރަނީ މަތީގައި ފާހަގަކޮށްފައިވާ އެމީހުންގެ ނެޓްވޯކެވެ. ކެތަރިން އޭޝްޓަން ރާއްޖެއާއި ބެހޭގޮތުން ނެރޭ ބަޔާންތަކަކީ ކޮންޒަވޭޓިވް ޕާޓީން އޭނާގެ ފިރިމީހާ ޕީޓާ ޖޯން ކެލްނާރ މެދުވެރިކޮށް އޭޝްޓަންއަށް ފޮނުވާ ބަޔާންތަކެކެވެ. ކޮންޒަވޭޓިވް ޕާޓީން ބޭނުންވާ ބަޔާންތައް ނެރުމަށް ކެތަރިން އޭޝްޓަންގެ ފިރިމީހާ ތާއިދުކޮށް އޭނާގެ އަންހެނުންގެ ބޯކެއުމުގެ ނަތީޖާއަކީ، އީޔޫފަދަ ޖަމްއިއްޔާއަކުން ބަލަންވާވަރަށް ނުބަލަ، ހަމައެކަނި އެމްޑީޕީގެ ވާހަކަތަކަށް ބުރަވެތިބެ ރާއްޖެއާއި ބެހޭގޮތުން ފާޑުފާޑުގެ ބަޔާންނެރުމެވެ.

މިއީ ވަރަށް ބޮޑު މައްސަލައެކެވެ. މިއީ ދިވެހިސަރުކާރުން ބަލައިގަނެގެންވާނެ ކަމެއްނޫނެވެ. ރާއްޖެއާއި ބެހޭގޮތުން ބަޔާންނެރެންޖެހޭނީ ރާއްޖޭގެ ހާލަތު ރަނގަޅަށް ދިރާސާކުރުމަށްފަހު ހުރިހާ ސިޔާސީ ފަރާތްތަކަކާވެސް މަޝްވަރާކޮށް، އެއެންމެންގެ ޝުއޫރުތައް އަޑުއެހުމަށްފަހުއެވެ.

ކެތަރިން އޭޝްޓަންއާއި ޔަހޫދީން އަދި ކޮންޒަވޭޓިވް ޕާޓީއާއި ގާތް ގުޅުމެއް އުފެދިފައިވާގޮތް ކެތަރިން އޭޝްޓަން، ޕީޓާ ޖޯން ކްލެނާރ، އަދި ކެލްނާގެ ޔޫގޮވް ބެއްލެވުމުންވެސް ސާފުކޮށް ފެންނާނެއެވެ.

ނޯޓް: ކެތަރިން އޭޝްޓަން ނެރެފައިވާ ބަޔާނަކާއިމެދު އިޒްރޭލުން ހިތްހަމަނުޖެހުމުން އޭޝްޓަން ވަނީ އެބަޔާނުގައި ހިމެނޭ އިޒްރޭލް ނުރުހޭ އިބާރާތް ބަދަލުކޮށްފައެވެ. މިއީ އިޒްރޭލްގެ ނުފޫޒު އޭޝްޓަންގެ މައްޗަށް އޮތް މިންވަރު ހާމަކޮށްދޭ ކަމެކެވެ.

Posted by Dhi Truth on 15:37. Filed under , , , , , . You can follow any responses to this entry through the RSS 2.0

ފަހުގެ ޚަބަރުތައް

FLICKR PHOTO STREAM

2010 Dhi Truth. All Rights Reserved. - Designed by Dhi Truth