އިޒްރޭލާއި ދެކޮޅު ގަރާރަށް ވޯޓުލުމުން އޮސްޓްރިއާ އަދި ބެލްޖިއަމް އެމްބެސެޑަރުން ހާޒިރުކޮށްފި

ފަލަސްތީނުގައި އިޒްރޭލުން ހިންގާ އިންސާނިއްޔަތާއި ހިލާފު އަމަލުތައް ތަހުގީގުކުރުމަށް އދ. ގެ ކޮމެޓީއެއް އެކުލަވާލަން ފެނޭތޯ ނެގި ވޯޓުގައި އޮސްޓްރިއާ އަދި ބެލްޖިއަމުން ފެންނަކަމަށް(އިޒްރޭލާ ދެކޮޅަށް) ވޯޓް ދިނުމުން އިޒްރޭލަށް ކަނޑައަޅާފަހުން އެ ދެގައުމުގެ ސަފީރުން އިޒްރޭލްގެ ފޮރިން އެފެއާޒް މިނިސްޓްރީއަށް ހާޒިރުކޮށްފިއެވެ.

އޮސްޓްރިއާ އަދި ބެލްޖިއަމްގެ ދެ ސަފީރުން ވަކިވަކިން ހާޒިރުކޮށްގެން ބޭއްވި ދެ ބައްދަލުވުމުގައި އިޒްރޭލްގެ ފޮރިން އެފެއާޒްގެ ޔޫރަޕަށް ކަނޑައަޅާފައިވާ ޑެޕިއުޓީ ޑިރެކްޓާ ޖެނެރަލް ރަފީ ޝޮޓްޒް ވަނީ އިޒްރޭލް ސަރުކާރުގެ ޝަކުވާ ރަސްމީކޮށް އެދެސަފީރުންނަށް ހުށަހަޅާފައެވެ.

ޝޮޓްޒް އެމްބެސެޑަރުންނާއި ދެއްކި ވާހަކައިގައި ބުނީ، ފަލަސްތީނުގައި ހިނގަމުންދާ ކަންކަން ބަލާނެ މެކޭނިޒަމެއް މިހާރުވެސް އެސްޓެބްލިޝްވެފަ އެބައޮތްކަމަށްބުނެ އީޔޫގެ މެމްބަރު ގައުމުތައް ކަމުގައިވާ  އިޓަލީ، ސްޕެއިން، ޗެކް ރިޕަބްލިކް، ޕޯލަންޑް، ހަންގޭރީ އަދި ރުމޭނިއާއިން އެ ވޯޓްގައި ބައިވެރިނުވި ނަމަވެސް އޮސްޓްރިއާ އަދި ބެލްޖިއަމުން އެ ހުށަހެޅުމަށް ތާއިދުކޯށް ވޯޓްދިނުމުން އިޒްރޭލް ވަނީ ވަރަށް ބޮޑަށް ނުރުހިފައެވެ.

މީގެ އިތުރުން ނޯވޭ އަދި ސްވިސް ސަރުކާރަށް ހަމަ މިމެސެޖު ދިނުމަށް އޮސްލޯ އަދި ބާރން އަށް ކަނޑައަޅާފައި ހުންނަ އިޒްރޭލްގެ ސަފީރުންނަށް އިޒްރޭލްގެ ފޮރިން އެފެއާޒް މިނިސްޓްރީން ވަނީ އަންގާފައެވެ. ނޯވޭ އަދި ސްވިޒަލޭންޑް ސަރުކާރުންވެސް ވޯޓު ލާފައިވަނީ އިޒްރޭލްގެ ހިއުމަންރައިޓްސް ވަޔަލޭޝަންސްތައް ބެލުމަށް ކޮމިޝަނެއް އެކުލަވާލުމަށް ފެންނަކަމަށެވެ.

ޖެރޫސަލަމްގައި ތިބި އޮސްޓްރިއާ އަދި ބެލްޖިއަމްގެ އެމްބެސެޑަރުންނަށް އިޒްރޭލުގެ ނުރުހުމުގެ މެސެޖު ދިނީ އެ ވޯޓްގެ މައްސަލާގައި އދ. ހެ ހިއުމަންރައިޓްސް ކައުންސިލާއި ގުޅުން ކަނޑާލުމަށް އިޒްރޭލުން ނިންމިތާ މަދު ގަޑިއިރުތަކެއް ފަހުންނެވެ.

ދައުރުވަމުންދާ ރިޔާސަތެއް އޮން އދ. ގެ ހިއުމަންރައިޓްސް ކައުންސިލްގެ މިހާރުގެ ރައީސް ލައުރާ(އދ. އަށް އުރުގުއޭއިން ކަނޑައަޅާފަ ހުންނަ އެމްބެސެޑަރު) އިޒްރޭލްގެ ހަރުކަށި ނިންމުމާއި މެދު ބުނެފައިވަނީ އެއީ ވަރަށް "އަންފޯޗުނޭޓް" ކަމެއް ކަމަށާއި، އެކަމާއި ގުޅޭގޮތުން ރަސްމީ ސިފައެއްގައި އިޒްރޭލްގެ ބަހެއް ހިއުމަން ރައިޓްސް ކައުންސިލަށް ފޮނުވާނެކަމަށް އުއްމީދުކުރާކަމަށެވެ.

ލައުރާ ބުނިގޮތުގައި އިޒްރޭލަށް އެންމެ ފައިދާބޮޑު ގޮތަކީ ހިއުމަން ރައިޓްސް ކައުންސިލްގެ ތަހްގީގީ ކޮމެޓީއަށް އެއްބާރުލުން ދިނުމެވެ.

އެޑްނޯޓް: އިޒްރޭލުން ފަލަސްތީނުގައި ހިންގާ ހިއުމަން ރައިޓްސް ވަޔަލޭޝަންތައް ތަހުގީގުކުރާ ކޮމެޓީގެ އެންމެ އިސްމީހަކަށް ޑރ. ޝަހީދަކީ ވަރަށް އެކަށީގެންވާ މީހެއްކަމަށް ފެނެއެވެ. ޝަހީދަކީ މޫނަކަށް ކަނދުރާއަކަށް ނުބަލާ މިފަދަ މަސައްކަތްތައް ކޮށްލާނެ މީހެކެވެ. 
ރާއްޖެއިން އިޒްރޭލާއި ދެކޮޅު ގަރާރެއް ކޯ ސްޕޮންސާކޮށްފިކަމަށް ސަންގެ މި އާޓިކަލްގައި ބުނެއެވެ.

Posted by Dhi Truth on 12:05. Filed under , , , . You can follow any responses to this entry through the RSS 2.0

ފަހުގެ ޚަބަރުތައް

FLICKR PHOTO STREAM

2010 Dhi Truth. All Rights Reserved. - Designed by Dhi Truth